Posted by
Sajid Poetry Collection
on
- Get link
- Other Apps
ہر
ایک بات پہ کہتے ہو تم کہ تو کیا ہے
تم ہی کہو کہ یہ اندازِ گفتگو کیا ہے
نہ شعلے میں یہ کرشمہ نہ برق میں یہ ادا
کوئی بتاؤ کہ وہ شوخِ تند خو کیا ہے
یہ رشک ہے کہ وہ ہوتا ہے ہم سخن تم سے
وگرنہ خوفِ بد آموزیِ عدو کیا ہے
چپک رہا ہے بدن پر لہو سے پیراہن
ہمارے جَیب کو اب حاجتِ رفو کیا ہے
جلا ہے جسم جہاں، دل بھی جل گیا ہوگا
کریدتے ہو جو اب راکھ جستجو کیا ہے
رگوں میں دوڑتے پھرنے کے ہم نہیں قائل
جب آنکھ سے ہی نہ ٹپکا تو پھر لہو کیا ہے
وہ چیز جس کے لیے ہم کو ہو بہشت عزیز
سوائے بادۂ گلفامِ مشک بو کیا ہے
پیوں شراب اگر خم بھی دیکھ لوں دو چار
یہ شیشہ و قدح و کوزہ و سبو کیا ہے
رہی نہ طاقتِ گفتار اور اگر ہو بھی
تو کس امید پہ کہیے کہ آرزو کیا ہے
ہوا ہے شہ کا مصاحب پھرے ہے اتراتا
.....وگرنہ شہر میں غالبؔ کی آبرو کیا ہے
Har Aik Baat Pay Kehtey Ho
K Tum Keh Tu Kia Hai
Tumhi Kaho Keh Yeh
Andaz-e-Guftugoo Kia Hai
Na Sholay Mein Yeh Karishma
Na Barq Mein Yeh Adaa
Koi Batao Keh Woh
Shokh-e-Tand Khoo Kia Hai
Yeh Rashk Hai Keh Woh Hota
Hai Hum Sukhan Tum Se
Wagarna Khof-e-Bad
Aamzo-e-Adoo Kia Hai
Chipak Raha Hai Bdan Par
Lahoo Se Pairahan
Hamari Jaib Ko Ab
Hajat-e-rafoo Kia Hai
Jala Hai Jism Jahan Dil
Bhi Jal Gaya Hoga
Kuraidtey Ho Jo Ab Raakh
Justujoo Kia Hai
Ragon Mein Dorrtey Phirney
K Hum Nahi Qayal
Jo Aankh Se He Na Tapka
Tou Phir Lahoo Kia Hai
Woh Cheez Jis K Liye Hum
Ko Behasht Azeez
Siwaey Bada-e-Gulfaam
Mushkboo Kia Hai
Piyon Sharaab Agar Kham
Bhi Dekh Loon Do Chaar
Yeh
Sheesha-o-Qadah-O-Kooza-O-Saboo Kia Hai
Rahi Na Taqat-e-Guftaar
Aur Agar Bhi Ho
Tou Kis Umeed Par Kahieye
Keh Aarzoo Kia Hai
Hua Hai Shay Ka Masahib
Phiray Hai Itrata
Wagarna Shehar Mein Galib
Ki Aabroo Kia Hai….
Please Do Click g+1 Button If You Liked The Post & Share It
Best Of Galib
Famous Ghazals Galib
Galib Ghazals
Galib Shyri
He Na Tapka
Jab Aankh Se
Kia Hai
Mirza Galib Poetry
Mirza galib Shayari
Nahi Qayal
Phirney K Hum
Rago'n Mein Dortay
Tou Phir Lahoo
- Get link
- Other Apps
Comments
Post a Comment
Thanks For Nice Comments.