جو بلند بام ِ حروف سے ، جو پرے ہے دشت ِ خیال سے
وہ کبھی کبھی مجھے جھانکتا ہے غزل کے شہر ِ جمال سے
میں کروں جو سجدہ تو کس طرف کہ مرا وہ قبلہء دید تو
کبھی شرق و غرب سے جلوہ گر ہے ،کبھی جنوب و شمال سے
ابھی رات باقی ہے قصہ خواں ، وہی قصہ پھر سے بیان کر
جو رقم ہوا تھا کرن کرن ، کسی چاند رخ کے وصال سے
میں جہاں بھی تھا ترے حسن کے کسی زاویے کا اسیر تھا
میں تو ایک پل بھی نکل سکا نہ کبھی محیط ِ جمال سے
کبھی خود کو تجھ میں سمو کے میں لکھوں چاہتوں کے مکالمے
کبھی نام اپنا نکال لوں ترے نام کی کسی فال سے
جو ترے خیال کو جاوداں ، جو مرے سُخن کو اَمر کرے
وہی ایک لمحہ تراش لوں ترے ہجر کے مہ و سال سے
مری عمر ساری گزر گئی ہے رشید جس کے طواف میں
.... بھرے شہر میں وہی ایک شخص ہے بےخبر مرے حال سے
Jo Buland Baam-E-Huroof Se, Jo
Paray Hai Dasht-E-Khayal Se
Woh Kabhi Kabhi Mujhe Jhankta
Hai Ghazal K Shehr-E-Jamal Se
Mein Karon Tou Sajda Kis Taraf
Keh Mera Woh Qibla-E-Deed Tou
Kabhi Shirq-O-Girb Se Jalwa Gar
Hai, Kabhi Junoob-O-Shumaal Se
Abhi Raat Baqi Hai Qissa
Khuwaa'n, Wohi Qissa Phir Se Bayaan Kar
Jo Raqam Hua Tha Kiran Kiran,
Kisi Chaand Rukh K Visaal Se
Mein Jahan Bhi Tha Teray Husn K
Kisi Zaaviye Ka Aseer Tha
Mein Tou Aik Pal Bhi Nikal Saka
Na Kabhi Moheet-E-Jamal Se
Kabhi Tujhko Khud Mein Samo'n K
Mein Likhon Chahaton K Mukalmay
Kabhi Naam Apna Nikaal Koon
Teray Naam Ki Kisi Faal Se
Jo Teray Khayal Ko Jawadaa'n,
Jo Meray Sukhan Ko Amar Karey
Wahi Aik Lamha Taraash Loon
Teray Hijar K M Saal Se
Meri Umar Saari Guzar Gai Hai
Rasheed Jis K Tawaaf Mein
Bharay Shehar Mein Wohi Aik
Shakhs Hai Be Khabar Meray Haal Se...
Please Do Click g+1 Button If You Liked The Post & Share It
Comments
Post a Comment
Thanks For Nice Comments.