Waqt Ki Umr Kia Barri Hogi,,,,,,,,,,,

وقت کی عمر کیا بڑی ہو گی

اک ترے وصل کی گھڑی ہو گی

دستکیں دے رہی ہے پلکوں پر

کوئی برسات کی جھڑی ہو گی

کیا خبر تھی کہ نوکِ خنجر بھی

پھول کی اک پنکھڑی ہو گی

زلف بل کھا رہی ہے ماتھے پر

چاندنی سے صبا لڑی ہو گی

اے عدم کے مسافرو ہشیار

راہ میں زندگی کھڑی ہو گی

کیوں گرہ گیسوؤں میں ڈالی ہے

جاں کسی پھول کی اڑی ہو گی

التجا کا ملال کیا کیجئے

ان کے در پر کہیں پڑی ہو گی

موت کہتے ہیں جس کو اے ساغر

زندگی کی کوئی کڑی ہو گی

Waqt Ki Umr Kia Barri Hogi

Ik Tere Visl Ki Gharri Hogi

Dastakein De Rahi Hai Palkon par

Koi Barsaat Ki Jharri Hogi

Kia Khabar Thi K Nok-e-Khanjar Bhi

Phool Ki Ik Pankharri Hogi

Zulf Bul Kha Rahi Hai Mathay Par

Chandni Se Saba Larri Hogi

Ay Adum K Musafiro Hoshyaar

Raah Mein Zindagi Kharri Hogi

Kiun Girah Gaisoun Mein dali Hai

Jaan Kisi Phool Ki,  Arri Hogi

Iltija Ka Malaal Kia Kijiye

Unk Dar Par Kaheen Parri Hogi

Mout Kehte Hein Jisko Ay Sagar

Zindagi Ki Koi Karri Hogi...............

Please Do Click g+1 Button If You Liked The Post  & Share It