Wednesday, 26 September 2012

Log Parh Lete Hen..


Log Parh Lete Hen Chehre Se Kahani Dil Ki
Aap Ko Aati Nahi Baat Chupani Dil Ki ,

Lamhe Lamhe Tere Didaar Ki Hasrat Hay
Chorye Yeh Tou Aadat Hay Purani Dil Ki ,

Men Dharkano Ko Bhi Dil Men Chupa Rakha
  Is Qadar Hum Ne Sanbhaali Hay Nishani Dil Ki ,

Aakhen Kuch Kehti Hen, Lab Kuch Kehte Hen
Itni Aasaan Nahi Her Baat Chupani Dil Ki ,

Log Her Baat Ka Afsaana Bana Dete Hen
    Sab kKo Achi Nahi Yeh  Baat Batani Dil Ki......








Please Do Click g+1 Button If You Liked The Post & Share It. 

Koi Mere Labon..

 
Koi Mere Labon Pay Bhi Laa De
  Wo Duaaen Jo Qubool Hoti Hen..









Please Do Click g+1 Button If You Liked The Post & Share It.


Mere Dil K Shaam Saweray ho..


Mere Dil K Shaam Saweray Ho
“Ik Baar Kaho Tum Mere Ho ,

Mujhe Tum Bin Kuch Dikhaee Na De
Kiun Itnay Ghour Andheray Ho ,

Men Panchi Piyar K Deson Ki
Tum Mere Rain Basairay Ho,

Men Maal-o-Manaal Mohabbat Ka
Tum Daaku Chor Lutairay Ho ,

Kuch Bolo Ya Aazaad Karo
    Kiun Khamooshi Se Ghairay Ho ..






Please Do Click g+1 Button If You Liked The Post & Share It.


Tuesday, 25 September 2012

Soney He Kahan Dega..



Soney He Kahan Dega Yeh Mehtaab Adhoora,
Rehne De Meri Aankhon Men Ik Khawb Adhoora,

Uss Simt He Chalte Hen Liye Naao Ko Apni,
Reh Jaaye Na Paani Men Yeh Gardaab Adhoora,

Toota Tou Usey Goud Liya Lehron Ne Barh Kar,
Phir Behta Raha Phool  Sar-e-Aaab Adhoora,

Shaayer Ka Gumaa’n Dekha Jahan Koi Bhi Dekha,
Ik Shakhss K Bikhraa Hua Betaab Adhoora,

Ab Un Se Kia Rakhen Hum Umeed-e-Takalum,
Laate Hen Baja’aa Bazm Men Adaab Adhoora,

Rakhshanda, Shab-o-Roz Likha Safaah, Dil Par,
Reh Jaye Na Aakhir Men Wohi Baab Adhoora..













Please Do Click g+1 Button If You Liked The Post & Share It.

Dil Pay Jo Tere..


Dil Pay Jo Tere Gham Ki Inayat Nahi Hoti
 Ankhon Se Aansoun Ki Rafaqat Nahi Hoti ,

Hum Rehnuma Se Iltija Karen Tou Kia Karen
Darya Ko Raaston Ki Zaroorat Nahi Hoti ,

Jane Yeh Log Kese Nibhatey Hen Jafa'en
Hum Se Tou Is Gunah Ki Himmat Nahi Hoti ,

Pathar Usay Kahon Tou Kis Zubaan Se Kahon
Patharon Men Tou Itni Nazakat Nahi Hoti ,

Tujh Ko Gaey Hoe Tou Zamane Guzar Gaey
Yaad Teri Is Dil Se Q Rukhsat Naho Hoti ,

Jo Bhool Jaey Tum Ko , Tum Us Ko Bhula Do
   Wo Mohabbat Tou Sahib, Phir Mohabbat Naho Hoti...
  










Please Do Click g+1 Button If You Liked The Post & Share It.

Thursday, 13 September 2012

Idhar Bhi Tabahi...



Idhar Bhi Tabahi ,Udhar Bhi Tabahi
   Kahan Jaen Aakhir , Mohabbat K Raahi..









Please Do Click g+1 Button If You Liked The Post & Share It.

Aaj Hum Phir..


Aaj Hum Phir Nidhaal Bethy Hen
 Dil Se Yaadein Nikaal Bethy Hen ,

Tum Se Doori Ka Faisla Kar K
 Dil Men Lay Kar Malaal Bethy Hen ,

Hum Mohabbat Men Mubtila Ho Kar
Khud Ko Mushkil Men Daal Bethy Hen ,

Kia Bataen Tumhari Furqat Men
Dil Ko Kese Sanbhaal Bethy Hen ,

Be-Sahara Na Janye Hum Ko
Mere Pursan-e-Haal Bethy Hen ,

Yeh Tou Mera Janaza Hay Sahib
   Aap Kiun Pur Malaal Bethy Hen ...









Please Do Click
 g+1 Button If You Liked The Post & Share It.

Wednesday, 12 September 2012

Ab Koi Yaar Hay Na Baili Hay..


Ab Koi Yaar Hay Na Baili Hay
Zindagi Dard Ki Saheli Hay ,

Uthne Joga Nahi Hay Tere Baad
  Dil Ne Takleef Aisi Jhaili Hay ,

Shaam Se Is Liye Mohabbat Hay
 Teri Yaadon K Sath Khaili Hay ,

Muztarib Q Na Hon Shab-e-Hijraan
Dard Ki Goud Men Akeli Hay ,

Koi Batlaey Khuwaab Ka Mafhoom
  Raat Hay , Saanp Hay , Chambeli Hay ,

In Lakeeron Men Tu Nahi Tou Wasi
 Kitni Veeran Yeh Hatheli Hay...






Please Do Click g+1 Button If You Liked The Post & Share It.

Jab Bhi Koi Naik Kaam..


Jab Bhi Koi Naik Kaam Karte Hen
Jaan-e-Mann Tere Naam Karte Hen ,

Tere Chehre Se Dhoop Lete Hen
Teri Zulfon Men Shaam Karte Hen ,

Kis Qadar Tang Hoon Mohabbat Se
Log Yeh Kese Kaam Karte Hen ,

Unki Peshaniyan Chamakti Hen
Jo Mohabbat Ko Aam Karte Hen ,

Sochte Hen Tujhe Wuzoo Kar K
Youn Tera Ehtaraam Karte Hen ,

Hum Se Hi Ibtida Hui Jana
     Hum Bhi Ab Ehtamaam Karte Hen ..














Please Do Click g+1 Button If You Liked The Post & Share It.


Monday, 10 September 2012

Kuch Din Se Un K Sath..




  Kuch Din Se Un K Sath Meri Baat Nahi Hay
    Youn Lagta Hay Sadyon Se Mulaqat Nahi Hay,

Dukh Dard Sunaey, Mujhe Har Baat Bataey
      Yeh Dil Ki Khuwahish Hay Meri Baat Nahi Hay,

Jab Yaad Uski Aaey , Tou Ajate Hen Aansoo
      Men Kese Keh Don Aankh Men Barsaat Nahi Hay,

      Sookhay Hoe Kuch Phool Hen , Aur Ashk Hen Taza
Kuch Aur Mere Pass Soghaat Nahi Hay,

Waaqif Hay Mere Dard Se Subha Ka Ujala
    Laa-ilm Mere Gham Se Meri Raat Nahi Hay,

     Men Jis Ki Mohabbat Men You Be-Haal Hua Hon
    Wo Hans K Yeh Kehta Hay, Koi Baat Nahi Hay…





 Please Do Click g+1 Button If You Liked The Post & Share It.