Wednesday, 16 May 2012

Safar-E-Wafa Ki Raah Men..



Safar-E-Wafa Ki Raah Men
Manzil Jafa Ki Thi

Kaghaz Ka Ghar Bana K Bhi
Khuwahish Hawa Ki Thi.

Jugnuo'n K Shehar Men
Taaron Say Dushmani,

Dost Chaand Tha Aur
Tamanna Subha Ki Thi,

Tum Nay Tou Ibaadat Ka
Tamasha Bana Diya,

Chahat Namaz Ki Thi
Par Aadat Qaza Ki Thi,

Men Nay Tou Zindagi Ko
Tere Naam Likha Tha,

Shayad Magar Kuch Or Hi
Marzi KHUDA Ki Thi

Dard He Dena Tha Tou
Pehlay Bata Daitay

Hum Ko Bhi Azal Say He
Tamanna Saza Ki Thi...






Please Do Click g+1 Button If You Liked The Post & Share It


 

Hum Jan Tou Denge Magar..


Mujh Say Gilay Hen
Mujh Pay Bharosa Nahi Usay,

Ye Soch Kar Hum Nay Bhi
Tou  Roka  Nahi Usay,

Woh Shaks KabhiChaand Sitaron
Say Yeh Poochay,

Hai Kon Si WoRaat Jab
Socha Nahi Usay,

Alfaaz Teer Ban K Utartay
Rahey Dil Men,

Suntay Rahe Chup Chaap Hi
Toka Nahi Usay,

Sahib Yeh Mohabbat Nahi
Usool-e-Wafa Hay,

Hum Jan Tou Daingy Magar
Dhoka Nahi Usay...




Please Do Click g+1 Button If You Liked The Post & Share It



Monday, 14 May 2012

Aahat Na Kar K...






 Aahat Na Kar K Men Tujhe Jee Bhar K Dekh lon
 Aisa Na Ho K Gir Parey Diwaar Khuwab Ki......


Please Do Click g+1 Button If You Liked The Post & Share It

Us K Taiwar....



Us K Taiwar Bata Rahe Hen Mujhe
Khuwaab Sarey Bikharne Waly Hen..






 Please Do Click g+1 Button If You Liked The Post & Share It.

Sham Dhal Chuki Hay..




Sham Dhal Chuki Hay Raat Ho Rahi Hay
 Mehfil-e-Dil Men Aj Phir Teri Baat Ho Rahi Hay,

Mere Khuwab-o-Khayal Pay Phir Tera Qabza Ho Gaya Hay
 Zindagi Phir Say Meri Be-Jazbaat Ho Rahi Hay,

Rooh Mere Jism Ki Kahi Khinchi Ja Rahi Hai
 Mujh Say Se Yon Parai Meri Zaat Ho Rahi Hay,

Her Taraf Laga Diya Hay Teri Yaad Nay Pehra
 Phir Bohat Mushkil Say Basar Raat Ho Rahi Hay,

Kia Bataon Tujhe Apne Dil Ki Haalat Men
 Ajeeb Si Kaifiyat Mere Sath Ho Rahi Hay...






Please Do Click g+1 Button If You Liked The Post & Share It


Saturday, 12 May 2012

Haadsa Dekh Kar..


Haadsa Dekh Kar Ruk Gaey Sahib,
    Shehr-E-Ishq Men Naey Lagtey Ho ..





 

Please Do Click g+1 Button If You Liked The Post & Share It

Suna Hay Log Usay Aankh Bhar K Dekhty Hen...



Suna Hay Log Usay Aankh Bhar K  Dekhtay  Hein
So Usk Shehar Men Kch Din Thehar K Dekhtay Hen,

Suna Hay Rabt Hay Us Ko Kharab Haalon  Say
So Apne Apko Barbaad  Kar K Dekhtay Hein,

Suna He Dard ki Gahak Hen Chashm-e-Nazuk Uski 
So Hum Bhi Us Ki  Gali Say Guzar K Dekhtay Hein,

Suna Hay Us Ko B Hay Shair-O-Shaeeri Say Shugaf
So Hum Bhi  Mojzay Apne Hunar K Dekhtay  Hein ,

Suna Hay Bolay Tou Baton Say Phool Jhartay Hain
Yeh Baat Hay Tou Chalo Baat Kar K Dekhtay Hein,

Suna Hay Raat Usay   Chaand Takta Rehta  Hay
Sitarey Baam-e-Falak Se Utar K Dekhtay  Hein ,

Suna Hay Din Ko Usay  Titliyaan Satati  Hein
Suna Hay Rat Ko Jhugnoo Thehar K Dekhty Hen,

Suna Hay Hashr Hein Us Ki Ghazaal  Si Aankhen
Suna Hay Usko Hiran Dasht Bhar K Dekhtay Hein,

Suna Hay Raat Say Barh Kar Hain Kakulan Us Ki
Suna Hay Shaam Ko Saaey guzar K Dekhaty Hein,

Suna Hya Us Ki Siyah Chashmagi  Qayamat  Hay
So Usko Surma Farosh Aah Bhar K Dekhtay Hein,

Suna Hay Aaiena Tamsaal  Hay  Jabeen  Us Ki
Jo Sada Dil Hen Usay Ban Sanwar K Dekhaty Hein,

Suna He Chashm-e-Tsavur Se Dasht-e-Imkan Main
Palang  Zaawaiya Us Ki Kamar K Dekhtey  Hain ,

Suna Hay Us K Badan Ki  Taraash  Aisi  Hay
K Phool Apni Qubaaein Qutar K Dekhtay Hein,

Suna Ik Nighah Say Lut'ta Hay Qaafla Dil Ka
So Rahvan-e-Tamanna Bhi Dar K Dekhtay Hein,

Rukay Tou Gardishein Us Ka Tawaf Karti Hein
Chalay Tou usko Zamane Thehar K Dekhtay Hein,

Kahaniyan  Hi  Sahi  Sab Mubalghay  Hi  Sahi
Agr Wo Khuwab Hay Tabeer Kr K Dekhtay Hein,

Ab Usk Shehar Mein Thehrein K Kooch Kar Jaen
Faraz  Aao  Sitaray  Safar  K  Dekhtay  Hein ..........





Please Do Click g+1 Button If You Liked The Post & Share It