Hijr Ki Shaam...



Hijr Ki Shaam Dhiyaan Mein Rakhna
   Ek Diya Bhi Makaan Mein Rakhna...!!

 
Aa'yenay Baichney Aaeye Ho
  Chund Pathar Dhukaan Mein Rakhna..!!

Aye Zameen Hashar Mein Bhi Maa Ki Tarha
Mujh Ko Apni Amaan Mein Rakhna...!!

Teer Paltey Tou Dil Na Zakhmi Ho  
Yea Hunar Bhi Kamaan Mein Rakhna..!!

Aik Duniya Yaqeen Say Roshan Ho
     Aik Aa'lam Ghumaan Mein Rakhna...!!

Khud Peh Jab Bhi Ghazal Suno Mujse
  Aa'yena Darmiyaan Mein Rakhna...!!

Dil Say Niklay Na Yaad Qaatil Ki
   Yea Shikaari Ma'chaan Mein Rakhna..!!

Jab Zameen Ki Fiza Na Raas Aye
Aa'smaan Ko Uraan Mein Rakhna...!!

Mar'siya Jab Likho Baharon Ka
   Zakhm Koi Zubaan Mein Rakhna...!!

 Khud Bhi Weh'mon K Jaal Mein Rehna
  Usko Bhi Imti'haan Mein Rakhna...!!

Itni Ruswa'iyaan Bhi Kia Mohsin?
    Kuch Bharam Tou Jahaan Mein Rakhna...!!!













Please Do Click g+1 Button If You Liked The Post & Share It.


Comments