Tu Kisi Aur Ki Jageer Hay..

Tu Kisi Aur Ki Jageer Hay A  Jaan-e-Ghazal
Log Toofan Utha Den Gay Mere Sath Na Chal,

Pehle Haq Tha Teri Chahat Ke Chaman Par Mera
Pehle Haq Tha Teri Khushboo-e-Badan Par Mera,

Ab Mera Pyar Tere Pyar Ka Haqdaar Nahin
Main Tere Gasoo-e-Rukhsar Ka Haqdaar Nahin,

Ab Kisi Aur Ke Hain Shano Pe Aanchal Tera
Log Toofan Utha Den Gay Mere Sath Na Chal,

Main Tere Pyar Se Ghar Apna Basaoon Kaise
Main Teri Maang Sitaron Se Sajaoon Kaise,

Meri Kismat Men Nahi Pyar Ki Khushboo Shayad
Mere Hathon Ki Lakeeron Men Tu Nahi Shayad,

Apni Taqdeer Bana Mera Muqadar Na Badal
Log Toofan Utha Den Gay Mere Sath Na Chal,

Mujh Se Kehti Hen Ye Khamosh Nighahen Teri
Meri Parvaaz Se Oonchi Hen Panahen Teri,

Aur Gairat-e-Ehsas Pe Sharminda Hoon
Ab Kisi Aur Ki Baahon Men Hain Baahen Teri,

Ab Kahan Mera Thikana Hay Kahan Tera Mahal
Log Toofan Utha Den Gay Mere Sath Na Chal…..







Please Do Click g+1 Button If You Liked The Post & Share It.