میری زندگی تو فراق ہے، وہ ازل سے دل میں مکیں سہی
وہ نگاہِ شوق سے دور ہیں، رگِ جاں سے لاکھ قریں سہی
ہمیں جان دینی ہے ایک دن، وہ کسی طرح ہو کہیں سہی
ہمیں آپ کھینچئے وار پر، جو نہیں کوئی تو ہمیں سہی
سرِ طور ہو سرِ حشر ہو، ہمیں انتظار قبول ہے
وہ کبھی ملیں، وہ کہیں ملیں، وہ کبھی سہی وہ کہیں سہی
نہ ہو ان پہ میرا جو بس نہیں، کہ یہ عاشقی ہے ہوس نہیں
میں انھی کا تھا میں انھی کا ہوں،وہ میرے نہیں تو نہیں سہی
مجھے بیٹھنے کی جگہ ملے، میری آرزو کا بھرم رہے
تیری انجمن میں اگر نہیں، تیری اجنمن کا قریں سہی
تیرا در تو ہمکو نہ مل سکا، تیری رہگزر کی زمیں سہی
ہمیں سجدہ کرنے سے کام ہے، جو وہاں نہیں تو یہیں سہی
میری زندگی کا نصیب ہے، نہیں دور مجھ سے قریب ہے
مجھے اسکا غم تو نصیب ہے، وہ اگر نہیں تو نہیں سہی
جو ہو فیصلہ وہ سنائیے، اسے حشر پہ نہ اٹھایئے
جو کریں گے آپ ستم وہاں وہ ابھی سہی، وہ یہیں سہی
اسے دیکھنے کی جو لو لگی، تو قتیل دیکھ ہی لیں گے ہم
وہ ہزار آنکھ سے دور ہو، وہ ہزار پردہ نشیں سہی
Meri Zindagi Tou Firaaq Hay, Woh Azal Se Dil Men Makeen Sahi
Wo Nigha-e-Shoq Se Door Hen, Rag-e-Jan Se Lakh
Qareen Sahi,
Hame Jaan Deni Hay Ak Din, Wo Kisi Tarha Wo Kahin
Sahi
Hame Ap Khainchye Daar Par, Jo Nahi Koi Tou, Hamee
Sahi,
Sar-e-Toor Ho Sar-e-Hasher Ho, Hame Intazar Qubool
Hay
Wo Kabhi Milen, Wo Kahin Milen, Wo Kabhi Sahi, Wo
Kahin Sahi,
Na Ho Un Pe Mera Jo Bas Nahi, K Ye Aashqi Hay
Hawas Nahi
Men Unhi Ka Tha, Men Unhi Ka Hoon, Wo Mere Nahi Tou
Nahi Sahi,
Mujhe Baithny Ki Jagha Milay, Meri Aarzoo Ka Bharam
Rahey
Teri Anjuman Men Agar Nahi, Teri Anjuman K Qareen
Sahi
Tera Dar Tou Hum Ko Na Mil Saka, Teri Rahguzar Ki
Zameen Sahi
Hame Sajda Karne Se Kaam Hay, Jo Wahan Nahi Tou
Yahan Sahi
Meri Zindagi Ka Naseeb Hay, Nahi Door Mujh Se Qareeb
Hay
Mujhe Uska Gham Tou Naseeb Hay, Wo Agar Nahi Tou
Nahi Sahi,
Jo Ho Faisla Wo Sunaeiye, Isay Hashar Pe Na Uthaeiye
Jo Karen Ge Ap Sitam Wahan, Wo Abhi Sahi Wo Yahin
Sahi,
Usay Dekhne Ki Jo Lou Lagi, Tou Qateel Dekh Hi Len
Ge Hum
Wo Hazaar Aankh Se Door Ho, Wo Hazaar Parda
Nasheen Sahi,..
Please Do Click g+1 Button If You Liked The Post & Share
Comments
Post a Comment
Thanks For Nice Comments.